Cando penso que te fuches,
negra sombra que m'asombras,
ós pés dos meus cabezais
tornas facéndome mofa.

Cando imaxino que és ida,
no mesmo sol te m'amosas,
i es a estrela que brilla,
i es o vento que zoa.

Se cantan és tí quen cantas,
se choran és tí quen chora,
i es o marmullo do rio,
i es a noite i és a aurora.

En todo estás e ti es todo,
pra min i en min mesma moras,
nin me deixarás ti nunca,
sombra que sempre m'asombras.



Agora maís que nunca non deixo de pensar qué sería esa sombra pra ela e porqué atácame a mín tan de súbito e tan doorosamente.